2019(e)ko urtarrilaren 28(a), astelehena
LH4:ZUBIETARA IRTEERA
Azaroaren 22an, osteguna,
Zubietara joan ginen Txanela ikasgaian landu dugun gure eskualdearekin
erlazionaturiko txango txiki bat egitera. Lasartera autobusez joan ginen eta
ondoren oinez Zubietara.
Bertan “Bote Luzea” izeneko
kirola egiten den frontoi berezi bat ikusteko aukera izan genuen. Kirol hau
Euskal Herriko puntu ezberdinetan burutzen da, tenisa eta esku pilotaren
uztarketa bati esker. Bost jokalarik hartzen dute parte joko honetako talde
bakoitzean eta helburua marraz bestaldera pilota pasa eta tanto egitea da.
Bitxikeri bezala esan, sakea egiterako garaian mahai moduko batean eman behar
duela lehen botea.
Goiz-pasa bikaina izan genuen
eguraldi onak eta tenperaturak lagunduta.
LH4: BERTSO SAIOA
Euskararen egunaren ondorengo
egunean, abenduaren 4ean, Lugaritzeko kultur-etxean Maddalen Arzallus eta Aitor
Mendiluzeren bertso-saioan egoteko parada izan genuen. Ordubete iraun zuen
saioaz asko gozatu genuen eta guk ere gure lana burutu ondoren, bi bertsolariei
oinak eta puntuak eman genizkien. Saioaren amaieran, oholtza gainean zeudenek
ikuskizun aparta eman ziguten beraien arteko bertso “borroka” bikainarekin.
2019(e)ko urtarrilaren 17(a), osteguna
Harpidetu honetara:
Mezuak (Atom)